 |
| Add caption |
සුරත් හිරු මිහිමඩල අතැර යන හැන්දැව
සුපිපි මල් පෙති හලා ඉකිබිදින හෝරාව
ජිවිතේ දුක පිරුන කවි පොතේ පිටු අතර
නුමේ මතකය ඇවිත් සිනාසෙයි මා ගාව
වසර ගනනක්එපිට අතීතේ යුහුසුළුව
සිහිනයක් සේ කෙමෙන් දිග හැරෙයි සෝබරව
දුවා දරුවන් ගිහින් ඔවුන් නැහැ ළග පාත
ඔබ කොතැන කොයි ලෙසක සිටිදැයි කිව මැනව
ඔබෙ සොහොන ළග හැදුව මල් පැළය දුටුවාද ?
ඔබ කැමති දම් පාට තවත්ඔබ කැමතිම ද
දම් පාට මිනී මල් පොකුරු පිපිලා ඊට
ඔබ නැතිව මලක් මම කාට කඩලා දෙම් ද
මිහිරි මී පැණි පිරුන යව්වනේ පෙම් බැන්ද
ඉනික්බිති දෙමාපිය ජිවිතේ සුව වින්ද
සංසාර පුරුද්දට එකතු වි වෙන් වුව ද
මමත් එමි ළගදීම ඔබ බලා ගෙන නේද?
තිලක් ඒකනායක
